Masaya na sa Patuloy na Pagtangkilik
Isa ang Pasadya sa Pandayan sa kakaibang naibibigay natin na serbisyo sa ating mga Panauhin.Madalas sa mga Panauhin natin ay nagbibigay ng tip dahil natutuwa sila o natutulungan natin sila sa kanilang mga kailangan. Tulad na lamang ng Panauhin na naghahanap ng nutrition costume at dahil mayroon naman kaming stock ng foam sheets ay nag-suggest ako na maaari namin siyang gawan na lamang nito. Agad naman pumayag ang Panauhin dahil kailangan na nila ito sa susunod na araw. Mabilis naman itong natapos dahil madali lang naman gawin ang Avocado Costume at na-pickup naman kaagad ng Panauhin. Bago umalis ay pinipilit ng Panauhin iabot ang 100 pesos ngunit hindi namin ito tinanggap. Sinabi na lang namin na masaya kami sa patuloy nilang pagtangkilik sa amin.