Cultural Parade ng Lopez High
August 20, 2024, Alas tres ng hapon ay nagsimula ang parade ng mag-aaral sa Lopez National Comprehensive High School. Isa ito sa malaking school dito sa Lopez. Mula Grade 7 to Grade 12 ay pumarade at pinakita ang kani-kanilang ginawang costume. Bawat grade level ay iba-iba ang kasuotan. May ilan ring estudyante ang pabalik-balik sa aming tindahan upang mamili ng kanilang gagamitin sa pagbuo ng kanilang costume. Makikita rin ang pag-support ng mga magulang at mga kababayan nila sa panunood ng parade. Wala pang alas tres ay marami na ang taong naka-abang sa kalsada upang masilayan ang mga bata na dadaan. Naging sabik rin ang mga bata at magulang gayon ang mga manonood dahil habang tumatagal ang parade ay paganda ng paganda ang mga kasuotan ng mga bata. Kasabay rin nito ay ang Foundation Day sa Lopez High kaya walang pasok ang mga bata tanging pagparada lamang ang kanilang activity sa araw na iyon. Ilang taon nahinto ang ganitong gawain nila sa school dahil na rin sa pandemic pero ngayong taon ay muli nilang sinubukan ang dati na nilang nakasanayan. At sigurado sa mga susunod na taon ay palagi na raw magkakaroon ng mga ganitong activity sa school.